【威返次啦康仔】
隔離Team新嚟咗兩個妹妹仔，其中一個喺求職網站搵緊cv嗰陣，突然鬼殺咁嘈:「嘩，咁變態架。」
另外嗰個妹妹仔又走埋嚟湊熱鬧:「玩嘢咩? 份cv係咪假架? 啲人咁都玩一餐，話自己非常好色都得既，係咪搵工架?」
斷估唔會有人玩到冇嘢好玩，喺cv度打篇色情小說啩? 呢個時候康仔一個箭步衝上去解圍，梗係啦，兩個新嚟嘅妹妹仔喎，仲唔爭住逞英雄咩。
康仔:「哦，非常好色係software嚟架，唔係咸濕嘢。」呢句嘢由一個咸濕佬講出口，零舍冇說服力，難怪兩個妹妹仔半信半疑，康仔見氣氛尷尬，唯有出動維基搵答案，勢要證明自己識嘢，google完一輪之後，兩個妹妹仔終於釋除疑慮，康仔，你終於威返次喇，啲女俾你媾晒啦！
Search